Soedan, RSF dalk in gesprekke oor wapenstilstand

Die Soedanese regering sê hy sal ‘n afvaardiging na Jeddah stuur om met die Verenigde State te konsulteer oor ‘n uitnodiging om wapenstilstandsgesprekke in Genève op 14 Augustus te hou. Die samesprekings het ten doel om die 15-maande-oue oorlog tussen die Soedanese weermag en die Rapid Support Forces paramilitêre magte te beëindig. Die Geneefse samesprekings, wat die RSF ingestem het om by te woon, sal die eerste groot poging in maande wees om vrede tussen die twee strydende kante te bemiddel.