Stemme getel in SA verkiesing

Die Verkiesingskommissie sê 100-persent van die stemme is getel en aangeteken. Die ANC het 40,19-persent van die nasionale stemme gekry, gevolg deur die DA met 21,08-persent, die MK Party is derde met 14,58-persent, vierde is die EFF met 9,51-persent en die IVP rond die topvyf af met 3,85-persent. Die kommissie sal vanaand die resultate bekendmaak. Die kommissievoorsitter, Mosotho Moepya sê alle stelsels het regdeur die proses gewerk en is nie gekompromiseer nie.