Verstappen wen Sao Paulo GP snelren

Max Verstappen het sy wengewoonte voortgesit met nog ‘n goed-beplande oorwinning vir Red Bull in die snelren by die Sao Paulo Grand Prix. Die drie-malige wêreldkampioen was gemaklik voor Lando Norris van McLaren. Verstappen het van die begin af voorgeloop en sy wentyd was 4,287-sekondes vinniger as dié van Norris. Sy Red Bull-spanmaat Sergio Perez was derde, voor George Russell van Mercedes en Charles Leclerc van Ferrari. Dit was Verstappen se vierde snelren-oorwinning van die seisoen. Hy spring vandag voor weg, met Leclerc saam met hom in die voorste ry.