Namport kondig vaartuigseisoen aan

Namport se 2023-vaartuigseisoen het amptelik begin met die Vasco da Gama-Nicko Cruises passasiersvaartuig wat Sondag met 396 passasiers by die hawe aangedoen het. Die 219 meter lange passasiersvaartuig wat onder die vlag van Switserland vaar, vertrek vandag na Lüderitz. Die owerheid sê hy verwag nog tien vaartuie tot en met einde Desember. Tradisioneel begin die passasiersvoertuig-seisoen in November en duur tot Maart. Die sektor is uiters belangrik vir die kus se ekonomie en Namport het hard gewerk om homself as bestemming te bemark. Besoekers bring belangrike buitelandse valuta wat die weg baan vir werkskepping geleenthede vir plaaslike inwoners in sektore soos toergidse, vervoerdienste, en die kuns- en kunsvlytbedryf.