Warner, Marsh kelder Pakistan

Krieket: Australië het danksy twee indrukwekkende honderdtalle deur die aanvangskolwers David Warner en Mitchell Marsh, Pakistan gister in hulle Wêreldbekerwedstryd in Bengaluru met 62 lopies geklop. Australië se totaal van 367 vir nege is gebou op Warner se 163, met Marsh wat op sy 32ste verjaarsdag, 121 bygedra het. Pakistan is vir 305 uitgeboul in 45 beurte en drie balle. Dit laat beide spanne met twee oorwinnings en dieselfde aantal loesings. Pakistan kom Maandag te staan teen Afghanistan in Chennai, terwyl Australië se volgende teenstanders twee dae later Nederland is.