Iere gewaarsku teen All Blacks

Die Ierse veteraan, Conor Murray, waarsku sy spanmaats om ‘n beter weergawe van die All Blacks te wagte te wees in môre se Wêreldbeker-kwarteindstryd in Parys. Die 34-jarige skrumskakel, wat in sy vierde Wêreldbeker-toernooi speel, hoop sy land sal deurdring na die voorlaaste ronde nadat hul in die vier vorige toernooie in die kwarteindronde verloor het – in 2019 in Japan teen Nieu-Seeland. Die All Blacks het tot dusver in die toernooi nie beïndruk nie, maar Murray sê ‘n gekweste Nieu-Seeland is altyd ‘n angswekkende vooruitsig.