BoN sal voortaan betalingsdiensverskaffers lisensieer

Die Bank van Namibië sal voortaan die lisensiëring en regulering van betalingsdiensverskaffers hanteer en nie meer die verantwoordelikheid met die Betalingsvereniging van Namibië deel nie. Die bank is verantwoordelik vir die lisensiëring, regulering en toesig van betalingsdiensverskaffers. Alle navrae wat verband hou met aansoeke om lisensiëring en magtiging om betalingsdienste aan te bied moet aan die bank gerig word. Naufiku Hamunime, die hoof van internasionale betrekkinge en volhoubaarheid by die bank, het met Kosmos 94.1 Nuus gepraat.