Fidji-senter bly in Frankryk na sy seun se dood tuis

Een van Fidji se sterre in die Wêreldbeker se groepsfase, Josua Tuisova, het besluit om nie terug te keer huis toe vir sy seun Tito se begrafnis nie. Hy is Saterdag net voor die wedstryd teen Georgië in kennis gestel van die sewejarige se dood, en is aangewys as speler van die wedstryd. Die oorsaak van die seun se dood is nie bekend nie. Die senter het besluit om in Frankryk te bly met die hoop om Fidji te help om Sondag net een bonuspunt teen Portugal te kry en die kwarteindronde ten koste van Australië te haal.