Tory-lid se kommentaar oor Jode ontlok ‘n herrie
Die kandidaat van die Britse Konserwatiewe Party vir burgemeester van Londen word daarvan beskuldig dat sy sekere insinuasies gemaak het in haar opmerkings oor die stad se burgemeester, Sadiq Khan van die Arbeidersparty. Susan Hall het na bewering daarop gesinspeel dat Joodse gemeenskappe in die hoofstad bang is vir Khan weens sy verdelende houding. Sy het die opmerkings gemaak tydens ‘n geleentheid van die organisasie Konserwatiewe Vriende van Israel in Manchester. Hall het die inwoners van Londen belowe dat sy die stad veiliger sal maak, veral vir Joodse gemeenskappe. Britse media berig dat dit kritiek van politici en Joodse groepe ontlok het.