Besteebare inkomste krimp, hier en elders

Nes in Namibië, worstel Suid-Afrikaanse verbruikers met ‘n krimpende besteebare inkomste, soos die Suid-Afrikaanse Reserwebank vir die tweede kwartaal aangedui het. Stadige werksgroei, hoë inflasie en aggressiewe rentekoersverhogings het gelei tot ‘n afname van 0.1 persent in persoonlike besteebare inkomste. Huishoudelike besteding het met 0.3 persent gedaal, wat gelei het tot meer vertroue op krediet. Die skuld-tot-inkomste-verhouding is in vergelyking met besteebare inkomste op sy hoogste sedert 2017. Verbruikersvertroue is broos weens kwessies soos beurtkrag en werksonsekerheid, wat nog ekonomiese uitdagings voorspel.