Brandstofpryse styg skerp

Die petrolprys gaan eerskomende Woensdag met 1,90 Namibiese dollar per liter styg en die prys van diesel met 2,40 dollar per liter. Gevolglik sal die prys vir petrol in Walvisbaai 22,88 dollar per liter wees, terwyl diesel 50 deeltjies per miljoen geprys sal word op 23,15 dollar per liter, en die van diesel 10 dpm op 23,35 dollar per liter. Brandstofpryse in ander streke van die land sal dienooreenkomstig aangepas word. Verskeie internasionale faktore het bygedra tot die skerp styging in pryse, soos die olieprys wat opwaarts gedruk het en vloedskade by Libië se raffinaderye.