Sluit Mnangagwa, Chamisa toe tot hulle Zim-belange eerste plaas

‘n Bekende Zimbabwiese godsdiensleier het voorgestel dat die land se president en sy opposisie-teenstander in die naam van vrede toegesluit word. Katolieke vader Fidelis Mukonori sê dit sal moed en wysheid verg vir Zimbabwiese president Emmerson Mnangagwa en sy mededinger, Nelson Chamisa, om die belange van die land voor hul eie te stel, maar om hulle toe te sluit kan help. Hy sê die beste manier is die Katolieke manier – sluit die twee toe, gee hulle kos en water en los hulle daar tot hulle ‘n ooreenkoms bereik het.