PDM parlementslid ontstoke oor bedrog in Omaheke-streeksraad

Inna Hengari, parlementslid van die Populêre Demokratiese Beweging, het in die Nasionale Vergadering na die Staatsdienskommissie se verslag oor beweerde werknemersbedrog in die Omaheke streeksraad verwys. Sy sê sy verstaan dat die werknemers die raad terugbetaal het en nie meer in diens van die raad is nie. Die ondoeltreffendheid en afwesigheid van kontroles wat sulke verduistering toegelaat het, is rede tot kommer. Hengari voeg by dat sy op 5 Oktober 2023 sekere vrae aan die stedelike ontwikkelingsminister, Erastus Uutoni, hieroor sal vra.