Veediefstal weer in weeklikse misdaadverslag

Veediefstal duur voort. Volgens die Namibiese polisie se misdaadverslag is vier koeie, waarvan een dragtig was met ‘n ten-volle ontwikkelde kalf-fetus, by plaas Okakango by Okahandja geslag. Die waarde word op 70 000 Namibiese dollar beraam. Die mag sê twee mans, 27 en 53, is gearresteer en terwyl die karkasse gevind is, is die vleis bederf. Die twee sal vandag in die hof op Okahandja verskyn. By Katima Mulilo in die Zambezi-streek is ‘n bul ter waarde van 5 000 dollar gesteel en die polisie ondersoek die saak met geen verdagtes nie.