Biden op pad na Detroit om stakers te steun

Die Amerikaanse president Joe Biden sal Dinsdag na Michigan reis om steun te toon vir die staking van die United Auto Workers-vakbond  teen Detroit-motorvervaardigers. Biden, ‘n demokraat, sien homself as ‘n pro-vakbondpresident en sy besoek aan die staat, ‘n dag voordat voormalige president Donald Trump geskeduleer is om daar te wees, sal sy steun vir stakende vakbondwerkers onderstreep. Die vakbond het Vrydag gesê dat hy sy Detroit-staking sal uitbrei na onderdele-verspreidingsentrums regoor die VSA by General Motors en Chrysler-ouer Stellantis. Die vakbond sê hy het werklike vordering gemaak in gesprekke met Ford Motors.