Springbokke op reis na afspraak met noodlot

Die Springbokke reis vandag vanaf Bordeaux na Parys waar hulle hul voorbereidings vir Saterdag se ronde-drie Wêreldbeker-wedstryd teen Ierland sal begin. Indien die verdedigende kampioene die wêreld nommer-een klop, sal hulle gunstelinge in Groep B wees. Indien Ierland egter wen, sal dit Skotland ook ‘n kans gee om vir die uitkloprondes te kwalifiseer, aangesien al drie spanne die groepfase kan afsluit met dieselfde aantal wenne, wat dan sal neerkom op bonuspunte en punteverskil.