Lekker krieket vandag op United in Franchise-reeks

Die tweede wedstryd in Krieket Namibië se Richelieu Franchise T20-kompetisie begin vanoggend net voor tien-uur op United in die hoofstad. Die reeks, wat Vrydag begin het, is onlangs aangekondig met die Etosha Wildcats, Fish River Eagles, Windhoek Jets en die Namib Desert Lions wat meeding. Daar is tien internasionale spelers in die vier spanne, sowel as die onder-19 Eagles en die nasionale span. In Vrydag se wedstryd het die Windhoek Jets die Namib Desert Lions met 24 lopies geklop. Vandag sê die Etosha Wildcats die Fish River Eagles die stryd aan.