Premierliga: Trustco United kraai koning!

Die Namibiese Rugby-unie se premierliga het afgesluit met Trustco United wat as kampieon gekroon is. Die span het FNB Wanderers 30-29 in ‘n taai wedstryd verslaan op die Hage Geingob-stadion in die hoofstad. Die halftyd-telling was 19-13 in Wanderers se guns. Kommentators en rugby-liefhebbers is dit eens dat United se heelagter Renier Benade die held van die wedstryd was.