Sokker: Oud-kaptein van VSA gaan haar loopbaan teen Banyana eindigAugust 30, 2023

Sokker: Die voormalige kaptein van Amerika se vrouespan, Megan Rapinoe, beplan om volgende maand haar internasionale loopbaan teen Banyana Banyana te beëindig. Die 38-jarige voorspeler het die Verenigde State sedert 2006 in 203 wedstryde verteenwoordig en 63 doele aangeteken. Sy het aan vier Wêreldbeker-toernooie deelgeneem, insluitend in 2015 en 2019 toe haar span as kampioen gekroon is. Sy het hulle ook gehelp om Olimpiese goud te wen in Londen in 2012. Rapinoe is ook 2019 se Ballon d’Or-wenner. Banyana pak Amerika op 21 en 24 September in twee internasionale vriendskaplike wedstryde.