Namibiërs vaar goed in eerste ronde by Kaapse-motocross

Namibiese motocross-ryers het goed gevaar in die eerste ronde van die Motocross of African Nations wat tans in die Kaap aan die gang is. Die eerste ronde is Saterdagmiddag gehou met Mark Sternagel wat nie teleurgestel het nie en derde gekom het met 15 punte ingepalm. Uwe Sternagel het in die Veteraan-klas net so goed gevaar en ook derde gekom met 15 punte op sy telbord. In die vroue-klas het ons roos tussen die dorings, Zoe Waldschmidt, sesde uit 13 deelnemers gekom met 10 punte. Vandag begin die tweede ronde net voor tien-uur met die derde en laaste ronde wat vanmiddag net na een afskop. Die geleentheid sluit namiddag af met die prysuitdeling wat half-ses begin.