Sokker: Finale agt vroue-spanne is bepaal

Die agt spanne vir die kwarteindstryde van die Wêreldbekertoernooi vir Vroue in Australië en Nieu-Seeland is bevestig. Twee van die wedstryde word Vrydag gespeel en die ander twee Saterdag. Die eerste een is tussen Spanje en Nederland gevolg deur Japan teen Swede. Saterdag speel Australië teen Frankryk en Engeland teen Colombië. Die halfeindstryde vind Dinsdag en Woensdag plaas en volgende Saterdag speel die twee verloorders om die bronsmedalje. Die eindstryd vind volgende Sondag in Sydney plaas.