Wes-Kaap versoek rampstatus ná vloedskade

Die Wes-Kaapse LUR vir plaaslike regering, omgewingsake en ontwikkelingsbeplanning, Anton Bredell, sê die provinsiale kabinet het besluit om by die Nasionale Rampbestuursentrum aansoek te doen vir rampstatus vir die provinsie. Dit is weens vloedskade van die onweer in Junie. Bredell sê volgens hulle beramings is onbefondsde skade van meer as 700 miljoen Suid-Afrikaanse rand aangerig.