Diesel is op pad

Gerugte dat daar ‘n tekort aan diesel in die land is, weier om op te droog. Daar was berigte dat daar vertragings van die aankoms van brandstof-vaartuie by die Walvisbaaise hawe was. Kosmos 94.1 Nuus het met Vivo Energy se kommunikasiebestuurder, Lazarus Nafidi, gepraat, wat sê dat daar wel verspreidingsprobleme van diesel in die land was. Hy bevestig die vaartuie het aangekom en diesel sal binnekort landwyd versprei word.