Tshwane-burgemeester waarsku stakende werkers

Die burgemeester van Tshwane, Cilliers Brink, het gewaarsku teen die gewelddadige gedrag van stakende werkers. Hy het Samwu-lede voor Tshwane-huis toegespreek toe werkers die derde dag gestaak het omdat hulle nie vanjaar salarisverhogings kry nie. Brink het ook ‘n beroep op betogers gedoen om hulle te weerhou van intimidasie teen nie-stakende werkers. Hy sê hy hoop die geskil kan opgelos word.