Rekrute vir Nasionale Jeugdiens-opleiding meld aan by Hentiesbaai

Die amptelike openingseremonie van die 14de inname van 310 rekrute vir die Nasionale Jeugdiens se nasionale diensopleiding vind op Hentiesbaai in die  Erongo-streek plaas. Die Jeugdiens het 5 556 aansoeke vir vanjaar se inname van opleiding ontvang, wat uit al 121 kiesafdelings in Namibië gewerf is. Dit is die eerste keer dat die Hentiesbaai-sentrum oop is vir aktiwiteite sedert sy sluiting in 2017, toe die diensopleiding na Rietfontein verskuif het. Die jeugminister Agnes Tjongarero het die seremonie amptelik geopen.