Amerikaanse Kongres ondersoek Marsmannetjies, VVV’s

Die Amerikaanse Kongres hou op die oomblik verhore oor vreemde vlieënde voorwerpe – ja, soos in groen Marsmannetjies en meer… Die kwessie het onlangs na vore getree in die daardie land met beeldmateriaal van veral die lugmag wat allerhande voorwerpe aangeteken het. David Grusch, ‘n voormalige lugmagloods, het getuig dat bronne bevestig het dat nie net tuie nie, maar ook biologiese oorskot in die Amerikaanse regering se besit is.

En nog ‘n afgetrede loods, Ryan Graves, sê daar is talle sulke voorvalle maar, dat hulle nie aangemeld word nie. 

Die woordvoerder van die Pentagon, John Kirby, het op sy beurt aan die media gesê die regering sou baie meer deursigtig wou wees maar, daar is nie inligting nie…