SA inflasie die laagste sedert Oktober 2021  

Daar is goeie nuus oor inflasie in die buurland, net ‘n dag voor die Reserwebank ‘n besluit sal neem oor nog ‘n rentekoers-verhoging. Inflasie het in Junie tot 5,4 persent gedaal van 6,3 persent in Mei, wat onder die boonste perk van die bank se teikenreeks van 3 tot 6 persent is. Die laaste keer dat inflasie onder 6 persent was, was in April verlede jaar. Die koers van Junie is die laagste in 20 maande, met die koers wat in Oktober 2021 op 5 persent gestaan het. Voedsel-inflasie het die derde agtereenvolgende maand verlangsaam.