Rugby: Junior Bokke speel vir derde plek teen Engeland

Rugby: Damian Markus sal die eerste keer op binnesenter vir die Junior Springbokke begin in môre se uitspeelwedstryd om derde plek teen Engeland in Wêreld-Rugby se Onder-20-kampioenskap op die Athlone-stadion in Kaapstad. Hy het in al vier die vorige wedstryde op die bank begin. Hoofafrigter Bafana Nhleko moes ook ʼn paar veranderings aanbring weens beserings. Die heelagter Hakeem Kunene, die slot JF van Heerden en die flank Ghudian van Reenen is nie beskikbaar nie. Nhleko wil graag ʼn bestendige 80 minute sien.