Britse koerantlesers sê SA én Kaapstad kraai koning

Suid-Afrika is in ‘n meningspeiling onder lesers van die Britse koerant, Telegraph, aangewys as die wêreld se beste toeristebestemming. Nieu-Seeland is tweede gevolg deur Japan in die derde plek. Kaapstad is aangewys as die beste stad in die wêreld met Vancouver tweede en Rio de Janeiro derde. Die Telegraph spog met 2,3 miljoen lesers. Die hoofbestuurder van Global PR, Communications and Stakeholder Relations, Thandiwe Mathibela, sê hierdie erkenning is wonderlik vir Suid-Afrika.