Oryx Properties leen groot by RMB om Dunes Mall te bekom

Oryx Properties het ‘n skuldfinansierings-ooreenkoms met RMB bereik om 500 miljoen Namibiese dollar oor ‘n termyn van vier jaar te leen. Daarmee beoog die eiendomsmaatskappy om 379,6 miljoen dollar aan te vul by die koopprys van 632,7 miljoen dollar vir die Dunes Mall op Walvisbaai. Volgens The Brief is Oryx tans in die finale stadium om fondse in te samel om Dunes Mall te bekom. Die RMB-lening sal ook ‘n bestaande leningsfasiliteit van 100 miljoen dollar wat Oryx by die beleggingsbank het en ‘n Nedbank-lening van 75 miljoen dollar terug te betaal.