Mosies van wantroue in SA metro’s moet gewysig wordJuly 10, 2023
Die Suid-Afrikaanse minister van samewerkende regering en tradisionele sake, Thembi Nkadimeng, sê die ANC se nasionale uitvoerende komitee het gevra dat die wyse waarop mosies van wantroue ter tafel gelê word, gewysig word. Metro’s soos Johannesburg, Tshwane en Nelson Mandelabaai het almal meer as vyf mosies van wantroue beleef wat tot onbestendigheid gelei het. Johannesburg alleen het binne ses maande drie burgemeesters gehad. Nkadimeng sê die hoogste besluitnemingsliggaam is bekommerd dat politieke partye wat mosies van wantroue in rade misbruik, onbestendigheid in munisipaliteite reg oor die land veroorsaak.