Rugby: Wallabies bring veranderings aan vir stryd teen Bokke

Rugby: Eddie Jones begin Saterdag sy tweede termyn as hoof-afrigter van Australië in Pretoria teen Suid-Afrika met ‘n span waaraan heelwat veranderings gemaak is. Slegs ses lede van die beginspan wat Wallis in November in Cardiff geklop het, is behou. Die nege veranderinge sluit die nuwe losskakel Quade Cooper en skrumskakel Nic White in. White kan ‘n kille verwelkoming op Loftus Versfeld verwag ná sy toneelspel-manewales tydens verlede jaar se kragmeting met die Bokke wat daartoe gelei het dat Faf de Klerk afgestuur is. Die slot Will Skelton en die flanke Michael Hooper en Tom Hooper is ook ingesluit.