Halt geroep op tolhekplan

Die Padfondsadministrasie sê sy voorgestelde tolhek-program is tot verdere kennisgewing uitgestel. Die administrasie het verlede jaar ondersteuning deur die regering ontvang om die program op verskeie roetes in die land uit te rol. Die instansie het finansiële uitdagings wat oor die komende jare sal vererger veral met elektriese voertuie en meer wat meer gewild raak. Maar, volgens die administrasie se uitvoerende hoof, Ali Ipinge, is die program vir eers uitgestel as gevolg van die heersende ekonomiese klimaat, tesame met hoë rentekoerse en inflasie en dus sal daar geen openbare konsultasies nou plaasvind nie. Twee uitvoerbaarheidstudies oor tolhekke is reeds voltooi en daar is bevind dat dit ekonomies en prakties haalbaar is. Ipinge sê paaie-owerhede en -agentskappe wêreldwyd is onder finansiële druk om verouderde padnetwerke met vinnig afnemende hulpbronne in stand te hou. Die administrasie het ook aangekondig dat hy ‘n tekort van 2,2 miljard Namibiese dollar aangeteken het.