Tennis: Russiese speler onttrek aan WimbledonJune 24, 2023

Tennis: Karen Khachanov van Rusland se grasbaan-seisoen is verby. Die wêreld nommer elf moes aan Wimbledon onttrek weens ʼn stres-fraktuur in sy rug, wat hy tydens die Franse Ope opgedoen het. Khachanov het in die kwarteindronde op Roland Garros teen die uiteindelike kampioen, Novak Djokovic van Serwië, verloor. Hy gaan Wimbledon die tweede agtereenvolgende jaar misloop nadat spelers van Rusland en Belarus verlede jaar verbied is weens Rusland se inval in Oekraïne, met Belarus se hulp. Die derde Grand Slam-toernooi van die jaar begin volgende Maandag in Londen.