Motorsport: Verstappen ewenaar Senna se 41 loopbaan-seges

Motorsport: Internasionale media het net lof vir die twee-malige wêreldkampioen, Max Verstappen, nadat hy die Kanadese Grand Prix vir Red Bull ingepalm het om die Brasiliaan, Ayrton Senna, se loopbaan-oorwinnings van 41 te ewenaar. Die Nederlander het daarmee sy voorsprong in die wêreldkampioenskap tot 69 punte vergroot nadat hy sy sesde oorwinning van die Formule Een-seisoen behaal het. Aston Martin se Spaanse jaer, Fernando Alonso, was tweede, met Lewis Hamilton van Brittanje derde vir Mercedes. Verstappen is gelukkig met sy seisoen tot dusver.