Britse regering onwikkel herstelskema vir mishandelde kindersMay 23, 2023

Die Verenigde Koninkryk se regering sê hulle gaan ‘n nuwe herstelskema ontwikkel vir kinders wat seksueel misbruik is. Dit volg ná die onafhanklike ondersoek na die seksuele misbruik van kinders. Die ondersoek het bevind daar is groot tekortkominge by staats- en nieregeringsinstellings om kinders in Engeland en Wallis behoorlik te beveilig en te beskerm. Die minister van binnelandse sake, Suella Braverman, sê die regering sal met slagoffers, oorlewendes en liefdadigheidsorganisasies beraadslaag om die skema te ontwikkel. Sy voeg by hulle wil ook toegang tot terapeutiese ondersteuning vir slagoffers en oorlewendes verbeter.