Haïti-groep bestook bendelede met klippe, steek hul lewendig aan die brand

Die Verenigde Nasies sê onsekerheid in Haïti se hoofstad Port-au-Prince het vlakke bereik wat soortgelyk is aan dié van lande waar oorlog woed. Net tussen die 14de en 19de van hierdie maand het bendegeweld die dood van byna 70 mense veroorsaak. Onder die slagoffers was 18 vroue en twee kinders. Maandag het ‘n skare in die hoofstad 13 vermeende bendelede aangerand en doodgebrand. Volgens berigte het invloedryke politieke bendes sedert die sluipmoord op president Jovenel Moïse in Julie 2021 meer as 60 persent van die hoofstad oorgeneem.