Boorgate landwyd ten bedrae van N$93 miljoen opgradeer

Die Namibiese landbouminister Calle Schlettwein het sekere doelwitte vir 2023 vir sy ministerie gestel. Dit sluit in onder meer die finalisering van onderhandelinge met Angola oor die ingebruikneming van Caluegue-pompstasie, asook met Suid-Afrika oor die Oranjerivier om ‘n dam by Vioolsdrift te bou, en die Stampriet-akwifer-kwessie. Tans is die ministerie besig om boorgate regoor die land te boor en op te gradeer ten bedrae van 93 miljoen Namibiese dollar, insluitend 13 boorgate in die Khomas-streek. Die ministerie wil ook boorgate boor by gemeenskappe langs die noordelike riviere wat deur krokodille geteister word.