DA mor oor fase 6-beurtkragApril 13, 2023

Die DA sê die opwekking van hernubare energie gaan sukkel om aan die gang te kom solank die ANC in die pad staan van gemeenskappe wat hulself van Eskom-beurtkrag wil bevry. Kevin Mileham van die DA sê die instelling van fase ses-beurtkrag is ‘n regstreekse beskuldiging teen die minister van elektrisiteit, Kgosientsho Ramokgopa, se misplaaste vertroue in steenkool-kragstasies. Hy sê die minister het teruggeval op die onbetroubare kragstasies deur voor te stel dat die lewensduur verleng word.