Twee Suid-Afrikaners nog vermis in Turkye

Suid-Afrika se ambassadeur in Turkye, Dipuo Letsatsi-Duba, sê daar is tans twee Suid-Afrikaners van wie nie rekenskap gegee kan word ná verlede week se vernietigende aardbewing nie. Die aardbewings wat Turkye en Sirië getref het, het die lewens van meer as 40 000 mense geëis. Letsatsi-Duba sê hulle is nie bewus van Suid-Afrikaners wat in die ramp dood of beseer is nie.