EFF verwerp SA Poskantoor se afdanking van 6 000 werkers

Die EFF verwerp die Poskantoor se besluit om 6 000 werkers af te lê en bestempel dit as gevoelloos en onsensitief in die heersende werkloosheidskrisis in die die land. Die party sê die Poskantoor word lank reeds deur finansiële uitdagings geteister weens sy versuim om mee te ding met koerierdienste in die privaat sektor, en opkomende tegnologieë in die kommunikasieruimte. Die EFF se woordvoerder, Leigh-Ann Mathys, sê sy onvermoë om te voldoen aan die tegnologiese vooruitgang in kommunikasie, is die middelpunt van sy mislukking om inkomste te genereer.