Nog ‘n voorwerp bo Alaska afgeskiet

‘n Amerikaanse F22-vegvliegtuig het ‘n ongeïdentifiseerde voorwerp hoog bo Alaska neergeskiet, minder as ‘n week nadat die weermag ‘n Chinese ballon afgeskiet het wat oor die VSA gevlieg het. Die Withuis sê die voorwerp, wat in opdrag van President Joe Biden neergeskiet is, was so groot soos ‘n klein motor. Die vegvliegtuig het ‘n missiel afgevuur op die voorwerp wat oor bevrore water was. Daar is geen aanduiding dat die voorwerp beman was nie.