Ysige toestande in Afghanistan eis 124

Minstens 124 mense is na wat berig word in ysige temperature in Afghanistan dood. Japan verduur ook buitengewone koue weer, wat ten minste een lewe geëis het. Twee ander sterftes wat verband hou met die storm in Japan word tans ondersoek. Dit sneeu en daar waai ‘n sterk wind wat verkeer en treinreise ontwrig en honderde vlugkansellasies veroorsaak. Uiterste weerstoestande het ook verwoesting in China veroorsaak. In Mohe, die mees noordelike stad, het temperature tot minus-53 grade Celsius gedaal.