Lugsoektog hervat na vermiste Britse akteur

Die polisie in Kalifornië sê hulle het ‘n lug-soektog hervat na die vermiste Britse akteur, Julian Sands. Gure weersomstandighede het die vorige pogings aan bande gelê nadat hewige storms die Amerikaanse staat getref het. Die 65-jarige akteur het twee weke gelede vermis geraak. Sands was op ‘n staptog in die Baldy Bowl-gebied van die San Grabriel-berge toe hy verdwyn het. Hy het onder meer in rolprente soos The Killing Fields, Warlock en Leaving Las Vegas gespeel.