Kiëf loop weer deur onder aanvalleOctober 17, 2022

Talle woongeboue is beskadig nadat ‘n reeks ontploffings vanoggend die Oekraïnse hoofstad Kiëf geruk het. Die presidensie sê die aanvalle is deur sogenaamde kamikaze-hommeltuie uitgevoer. Daar word berig aanvalle is ook in Sumy Oblast, in die noordooste van die land, en in Dnipropetrovsk in die suidooste aangemeld waar ‘n brand by ‘n energie-fasiliteit uitgebreek het nadat ‘n missiel dit getref het. Hierdie aanval volg presies ‘n week nadat Russiese missiele die Oekraïnse hoofstad en ander sentrums verlede Maandag getref het.