Goeie eerste dag vir Proteas teen Bangladesj

Krieket: Suid-Afrika hervat vanoggend sy eerste beurt op 278 vir vyf in die tweede en laaste toets teen Bangladesj in Gqeberha. Drie kolwers spog met 50-talle – Temba Bavuma met 67, kaptein Dean Elgar met 70 en Keegan Petersen met 64. Die beurt is gekenmerk deur sterk vennootskappe. Elgar en Sarel Erwee het sake afgeskop met ‘n aanvangsvennootskap van 52. Elgar en Petersen het daarna 81 lopies om die tweede paaltjie opgestapel. Die Proteas het die eerste toets in Durban oortuigend gewen.