Toyota stel 15 elektriese konsepte bekendDecember 15, 2021

Toyota se uitvoerende hoof, Akio Toyoda, sê die maatskappy is steeds ten gunste van ‘n veelvoudige koolstofverminderingstrategie wat ook hibriede motors en waterstof-aangedrewe voertuie insluit. Die Japanese voertuigvervaardiger het gister 15 konsepte bekend gemaak van Toyota- en Lexus-voertuie, insluitend sedans en sportnutsvoertuie, wat ten volle elektries is. Toyoda sê buiten elektriese voertuie, ontwikkel Toyota ook binnebrand-enjins wat op waterstof-brandstof loop. Hy sê dié tegnologie kan bydra om sommige van Japan se 5,5-miljoen poste in die motorbedryf te red.