Bafana Bafana maak gereed vir maak of breek wedstryd

Sokker: Bafana Bafana van Suid-Afrika is in Akkra, Ghana, waar hulle voorberei vir môreaand se deurslaggewende kwalifiserende wedstryd teen die Black Stars vir die 2022 Fifa-Wêreldbeker. Hulle het vertek kort na hulle oorwinning van 1-0 teen Zimbabwe om die voortou in Groep-G te neem. Die Suid-Afrikaners sal ‘n nederlaag teen Ghana moet afweer ten einde heel bo in die groep te eindig en na die finale ronde van die kwalfiserende wedstryde deur te dring. Die wenners van die tien groepe gaan deur na die finale van die kwalifiserende ronde. Die vyf spanne wat dié ronde wen, kwalifiseer vir die eindstryde in Qatar.