Zim-polisie het reeds per pos gestem

Die polisie in Zimbabwe het Dinsdag per pos gestem voor die land se algemene verkiesing op 23 Augustus. Stembriewe per pos word gereserveer vir burgers wat by ambassades in die buiteland werk, die polisie en weermag, en gesondheidsorgwerkers, wat noodsaaklike dienste verrig. Talle verkiesingsverwante hofsake, waarvan sommige nog nie opgelos is nie, het die druk van stembriewe en stemmery per pos in die land vertraag. Dit was eers toe die stembriewe van polisiekiesers in Mutare en Rusape in Manicaland op sosiale media uitgelek is dat mense van die stemmery bewus gemaak is.