Zhong Mei-saak as dringend beskou

Regter Eileen Rakow het vandag uitspraak gelewer in die saak waar die Chinese konstruksiemaatskappy, Zhong Mei Engineering-groep, NamRA en ‘n handvol ander respondente gedagvaar het om 33 miljoen Namibiese dollar terug te kry. NamRA het blykbaar opdrag gegee dat die fondse uit die maatskappy se rekening oorgedra word vir onbetaalde belasting tussen 2013 en 2018. Die saak is as dringend voor die hof gebring en so hanteer. Zhong Mei sê in sy stukke dat sy bedryfskostes 28 miljoen dollar maandeliks is en dat hy kontrakbreuk sal pleeg as hy nie sy pligte kan nakom nie. Rakow het beslis Zhong Mei se nie-nakoming kan as dringend verhoor word. Die saak word uitgestel na 5 September vir ‘n saakbestuurs-verhoor.